Gujarati Kasumbo

UPDATE Detail VIEW

Category Name

Detail Title

Detail

રસિયા પાટણ  શહેરને  પાદર  પારસ  પીપળો  રે  લોલ
રસિયા   તીયાં  રે  બંધાવો  હાલણ   હીંચકો    રે  લોલ

રસિયા તીયાં  રે  હીંચકીએ આપણ બેઉ  જણાં  રે  લોલ
રસિયા  હીંચકડો  તૂટ્યો  ને પડિયા બેઉ  જણાં  રે  લોલ

રસિયા અમને રે  વાગ્યું  ને તમને  ઘણી  ખમ્મા રે  લોલ
રસિયા રીંસે ભરાતી બોલું કે તમને ઘણી  ખમ્મા  રે લોલ

રસિયા  તમને  તે  પરણાવું  વાણિયણ  વેવલી   રે  લોલ
રસિયા  પાણીની   ભરનારી  વાણિયણ  વેવલી  રે  લોલ

રસિયા  તમને  તે  પરણાવું   ગામ  ગરાસણી   રે  લોલ
રસિયા   ચાકળડે  બેસનારી  ગામ  ગરાસણી   રે  લોલ

રસિયા  કિયો   તો  પરણાવું  નાગર  ભ્રામણી   રે  લોલ
રસિયા   રસોઈની  કરનારી   નાગર  ભ્રામણી   રે લોલ

રસિયા પાટણ શહેરને પાદર વાણીડાના  હાટ છે  રે લોલ
રસિયા  ત્યાંથી   તે  વોરો  રે  નવરંગ  ચૂંદડી   રે  લોલ
રસિયા  ચૂંદલડી  ઓઢ્યાના  અમને  કોડ  ઘણા  રે લોલ

રસિયા પાટણ શહેરને પાદર મણિયારાના હાટ છે રે લોલ
રસિયા  ત્યાંથી  તે  ઊતરાવો  નવરંગ  ચૂડલો   રે  લોલ
રસિયા  ચૂડલડો   પહેર્યાની અમને  હોંશ  ઘણી  રે લોલ

રસિયા પાટણ શહેરને પાદર સોનીડાના હાટ છે  રે લોલ
રસિયા  ત્યાંથી   તે  ઘડાવો   ઝાલ   ઝૂમણાં   રે   લોલ
રસિયા ઝાલ ઝૂમણાં  પેર્યાની  અમને  ખંત  ઘણી રે લોલ

રસિયા  પીપળિયાની   ડાળે  બાંધ્યો   હીંચકો   રે  લોલ
રસિયા ઈ  હીંચકડે  ઝૂલીએ આપણ બેઉ  જણાં  રે  લોલ

CANCEL